fbpx
More

    “රනිලුත්” “දසුන්” වගේ සිතන්න යයි.

    Must read

    Posted by politics.lk on Wednesday, August 24, 2022

    ආසියානු කුසලානය දිනාගැනීම හරහා දසුන් ශානක ලංකාවටම විශාල ආදර්ශයක් ලබාදී ඇති බව ජනාධිපති රනිල් වික්‍රමසිංහ මහතා පවසනවා. දසුන් වගේ සිතුවොත් මේ රට දියුණු කිරීමද ඉතා පහසු බවයි ජනාධිපතිවරයා පවසන්නේ.

    ආසියානු ක්‍රිකට් කුසලානය, දැල්පන්දු සහ පොදුරාජ්‍ය මණ්ඩලයීය ශූරතා දිනූ ක්‍රීඩක ක්‍රීඩිකාවන් ඇඟයීම වෙනුවෙන් පැවැති උත්සයවකදී ජනාධිපතිවරයා මේ බව පැවැසුවා.

    එහිදී වැඩිදුරටත් අදහස් දැක්වූ ජනාධිපතිවර,

    “නෙල්බෝල් කණ්ඩායම යළිත් ආසියානු ශූරතාව අපට ලබාදුන්නා. කාන්තාවන් වැඩේට බැස්සොත් හරියට කරනවා ලංකාවේ. ඒ අයට ස්තූති කරනවා.”

    “අඩුපාඩුකම් මට ආරංචි වුණා. ආයෙත් එහෙම නොවෙන්න වගබලා ගන්නවා. ක්‍රීඩාවක් සංවර්ධනය කරන්න සම්පූර්ණයෙන්ම කැපවෙන්න ඕන.”

    “ක්‍රිකට් කණ්ඩායමටත් ස්තූතිවන්ත වෙනවා. ලංකාවේ ක්‍රිකට් ඉතිහාසය දිහා බැලුවාම ඒක අපිට ඕන වුණ ජයග්‍රහණයක්. තවත් එක ජයග්‍රහණයක් ලබා දුන්නොත් අපිට තවත් සතුටුයි.”

      මස්, මාළු සහ බිත්තර මිලේ ලොකු වෙනසක්….

    “මලල ක්‍රීඩා අංශයෙනුත් සිව්දෙනෙකුත් ජයගත්තා. හැමෝටම ස්තූතිවන්ත වෙනවා.”

    “අපි ක්‍රිකට්වලදී ඇෆ්ගනිස්තානයට පරාද වුණා. ඒත් අපි ක්‍රීඩාවෙන් ඉවත් වුණේ නැහැ.”

    “දසුන් ඒ පරාජයෙන් ප්‍රයෝජන ගත්තා ශක්තිමත් වෙන්න. දසුන් ලංකාවටම උදාහරණයක් දුන්නේ. අපි අද ඇෆ්ගනිස්තානයටත් වඩා වැටිලා ඉන්නේ. සමහරු හිතනවා අපිට ගොඩඑන්න බැහැ කියලා.”

    “දසුන් වගේ අපි හිතනවා නම්..මමත් හිතන්නේ අපි ගොඩ එනවා. අපි ලෝක ශූරයෝ වෙනවා. රට කිසිම බයක් නැතුව ලෝකය එක්ක තරග කරන්න දැනගන්න ඕනේ.”

    “අපි පුරුදු වෙලා තියෙන්නේ ලෝකේ එක්ක තරග කරන්න නෙමෙයි.. ලෝකෙ තියෙන නීති අපේ වාසියට වෙනස් කරන්න. ඒක සිදුවෙන්නේ නැහැ.”

    “ඉස්සර ජයග්‍රහණයෙන් කොටසක් දේශපාලනඥයින් ලබාගත්තා. මෙවර සියයට දෙසීයක්ම ජයග්‍රහණය ඔබට ලබාදෙනවා.”

    මෙම උත්සවයේදී ජයග්‍රාහී දැල්පන්දු කණ්ඩායමේ සෑම ක්‍රීඩිකාවකටම රුපියල් මිලියන 2ක මුදලක් ශ්‍රී ලංකා ක්‍රිකට් ආයතනය මගින් පිරිනැමීමටද පියවර ගත්තා.

      කළුතර තරුණියක් අතුරුදන්…

    පොදුරාජ්‍ය මණ්ඩලයීය ක්‍රීඩා උළෙලේ රීදි පදක්කම් ලාභියෙකුට රුපියල් මිලියන 10ක් ද ලෝකඩ පදක්කම් ලාභියෙකුට රුපියල් මිලියන 5ක් ද ක්‍රීඩා අරමුදලෙන් ලබාදීමටයි පියවර ගෙන තිබුණේ.

    එමෙන්ම දැඩි ඖෂධ හිඟයකට මුහුණ පා සිටින මහරගම අපේක්ෂා රෝහලට, ශ්‍රී ලංකා ක්‍රිකට් ආයතනය මගින් ලබාදෙන අමෙරිකානු ඩොලර් ලක්ෂ 5ක චෙක්පත එහිදී ජනාධිපතිවරයා වෙත නිල වශයෙන් භාරදී තිබුණි.

    More articles

    LEAVE A REPLY

    Please enter your comment!
    Please enter your name here

    - Advertisement -

    Latest article

    අලුත්ම වීඩියෝව