පුළුල් සන්ධානයක් පිහිටුවීම වෙනුවෙන් වූ සාකච්ඡාවක් මේ වන විට ආරම්භ වී තිබෙනවා. ජනාධිපතිවරණය ඉලක්ක කරමින් මෙම සන්ධානය පිහිටුවීමට නියමිත බවත්, පොදු අපේක්ෂයා ලෙස ජනක රත්නායක මහතා ජනාධිපතිවරණයට ඉදිරිපත් කිරීමේ සැලසුම් සහිතව නව සන්ධානය පිහිටුවන බවත් දේශපාලන ආරංචි පවසනවා.
ජාතික නායකයෙකු ලෙස ජනක රත්නායක මහතා ජනතාව හමුවට පැමිණ ඇති බව පවසන එහි සංවිධායකයින් පෙන්වා දී ඇත්තේ මහා සංඝරත්නයේ මුලිකත්වය සහිතව නව සන්ධානය ආරම්භ කිරීමට සාකච්ඡා සිදුවෙමින් පවතින බවයි.
දැනට ආණ්ඩුව සමග කටයුතු කරන දේශපාලන පක්ෂ කිහිපයක්ද එම සන්ධානය ආරම්භ කිරීමේ මුලීක සාකච්ඡා සදහා සහභාගී වී තිබෙනවා. එමෙන්ම කොළඹ ප්‍රධාන විහාරස්ථානයක් මූලික කරගනිමින් මෙම සාකච්ඡා සිදුවෙමින් පවතින බවද එම සියලු මූලික කටයුතු ඉතා රහසිගතව සිදුකිරිමට ද සංවිධායකයින් තීරණය කර ඇති බවයි එම ආරංචි පවසන්නේ.
