කම්කරු නීති සංශෝධනය කිරීමට රජය සූදානම් වනවා. ඊට අදාළව සියලු වෘත්තීය සමිති සහ අදාළ බළධාරීන් කැඳවා විශේෂ සාකච්ඡාවක් පැවැත්වීමට නියමිත බව ජනාධිපති වෘත්තිය සමිති අධ්‍යක්ෂ ජනරාල් සමන් රත්නප්‍රිය මහතා පැවැසුවා.
ඔහු ප්‍රකාශ කළේ අදාළ සංශෝධන ඇතුළත් කෙටුම්පත සකස් කිරීමේ කටයුතු වෘත්තීය සමිතිවල සහභාගීත්වය සහිතව සිදුකිරීම ඉතා වැදගත් වන බවයි.
අපේ රටේ කම්කරු නීතිය පරණයි. කම්කරු නීතිය අලුත් කරන්නට ඕනේ. සුළු සුළු ආකාරයේ වෙනස්කම් සංශෝධනය කළාට රට ලෝකෙට අරගෙන යන්න ඕනේ කියන කාරණේ දිහා බලලා නීතිය අලුත් කරන්න සමස්ත ආකාරයේ සංශෝධනයක් කරන්න කම්කරු නීතියට අනුව කරන්න කටයුතු කරලා නෑ. දැන් අපේ රටේ රාජ්‍ය අංශට එක නීතියක් තියෙනවා පෞද්ගලික අංශයට එක නීතියක් තියෙනවා. මේවා වෙනස් වෙන්නට ඕනේ. මේවා සාමාන්‍යයෙන් කරන්නේ රටේ ආදාළ පාර්ශව එකඟ කරගෙන. සාකච්ඡා ඇතුළේ තමයි මේ නීති සංශෝධනය කරන්න ඕනේ. ඒගොල්ලෝ යෝජනා කරලා තියෙන්නේ කම්කරු අමාත්‍යාංශය විදියට හදන්න කෙටුම්පතක්. ඒ කෙටුම්පත අපිට දෙන්න ඊට පස්සේ අපි අපේ යෝජනා දෙන්නම්. කොටුම්පත හදන්නත් වෘත්තීය සමිති එකතු වෙන්න ඕනේ. ආරම්භයේ සිටම එකතුවෙන්න පුළුවන් නේ. ඒ නිසා හදන වේලාවේ ඉඳලම මැදිහත් වෙන එක අතිශය වැදගත් කාරණයක්.
